Төлеби ауданының мәдениет, тілдерді дамыту, дене шынықтыру және спорт бөлімі» мемлекеттік мекемесінің негізгі бағыттары мен міндеттері:
Ұлттық рухани құндылықтарды сақтау, оны жүзеге асыру. Халыққа мәдени, спорттық қызмет көрсету және оны әрі қарай терең дамыту, мәдени қызмет жұмыстарының сапасын жақсарту, мәдени және спорттық іс-шаралар ұйымдастыру. Кәсіби және әуесқой ұжымдардың шығармашылығын дамыту. Кітаптың мемлекеттік алтын қорын сақтау, кітапханаларды көркем әдебиет шығармаларымен және жас ұрпақтарды тәрбиелеуге арналған оқу құралдарымен жабдықтау.
Мәдениет пен өнер – қоғам дамуының негізгі қажетті саласы. Мәдениеті мен өнері өркендеген қоғам әр уақытта ілгерілеп, дамиды.
Дүрбелең өмірдің әрқилы көрінісін – бірде әуелеген әнімен, бой тұндырар жырымен, ұршықтай үйірілген биімен түсіндіретін дәл осы өнер иелері.
Текті Төлебидің өңірі - ел абыройын асқақтатып, өнердің биік тұғырында жүрген азаматтар мен азаматшаларға кенде емес. Халықаралық және әлемдік деңгейде танылған ауданымыздан шыққан өнер қайраткерлерінің ізін жалғастыру және олардың өнерлерін насихаттау, жастардың өнер әлеміне жол ашу мақсатында аудан мәдениет ошақтарында түрлі жанрдағы 107 үйірме жұмыс ақтаруда, оларға қатысушы өнерпаздар саны 1000 – нан астам.
Қазіргі таңда ауданның мәдениет мен өнерін кеңінен дамыту, ауылдық жерлердегі өнерпаздарды киелі сахнаға баулу мақсатында 18 мәдениет ошағы, 5 «Халықтық» атағы бар өнер ұжымы, қазақ фольклорын дамытуға үлес қосып жүрген 3 әжелер үйірмесі сонымен бірге, 31 кітапхана, 4 саябақ, 7 аллея, 24 скверлер, 1 Тілдерді оқыту және дамыту орталығы және 6 ұлттық этно мәдени (Славян,Өзбек, Күрді, Түрік, Неміс, Кәріс) орталықтары жұмыс жасауда.
Биылғы жылы Төлеби ауданының 90 жылдығы және балалар жылына орай 13 аудандық 1 облыстық байқау ұйымдастырып, жоғары дәрежеде өткізілді.
Балалар мен жастар және ересектер арасында аудан көлемінде «Төлебидің ғажайып өрнектері» атты облыстық және «Жастар дауысы-2022», «Тұран даласының терме - толғаулары», «Сырлы жеңге, сұлу қыз», «Төлеби аруы», «Менің елім–Мәңгілік ел!», «Бұраң бел», «Ұлы Жеңіс- ұранымыз!», «Жігіт сұлтаны», «Үкілі Үміт», «Балбөбек», «Ақсудан ұшқан аққуым», "Балалықтың ғаламшары", , «Ақбота 2022» және т.б аудандық байқаулар жыл сайын дәстүрлі түрде ұйымдастырылып келеді.
Аудандық байқаудан үздік болып шыққан жас таланттар халықаралық, республикалық, облыстық, аймақтық, аудандық байқаулардан жүлделі орындарды иеленіп, аудан өнерін үлкен сахналарда насихаттауда.
Ауданнан шыққан ақын – жазушылардың мерейтойлары, кездесулер тұрақты өткізіліп, әлемдік деңгейдегі суретшілер көрмесін ұйымдастыру және жастар арасында дәріптеу мақсатында 1 суретшілер үйі, 1 көркемсурет мектебі жұмыс жасауда.
Төлеби ауданының өнері қай кезде де шоқтығы биік. Аудан өнерінің биікке шығуына, үлкен жетістіктерге жетуіне ықпал жасау болса да мәдениет қызметкерлеріне артылған үлкен міндет және сенім. Төлеби ауданынан талай республикалық, халықаралық және әлемдік деңгейде жүрген өнер саңлақтарының ізін басатын жас таланттар, дарындар шығары сөзсіз...
Төлеби ауданы әдебиет, өнер, мәдениет саласындағы танымал тұлғаларын мақтаныш тұтады.
